Толькі каханне!

  Прыват чат з Аляксандрай Логіс, галоўным бібліёграфам Бярозаўскай цэнтральнай раённай бібліятэкі.

– Беларуская ці замежная літаратура?
– Выбіраю другі варыянт. Але з замежнай літаратуры перавагу аддаю класічнай. Нядаўна перачытала Джэйн Осцін «Гонар і прадузятасць».
– Каханне ці грошы?
– Бясспрэчна, КАХАННЕ! Бо сапраўдную любоў нельга купіць за грошы. Хоць іх наяўнасць у нашым свеце таксама вітаецца.
– Стыль ці мода?
– Мода – гэта тое, што табе прапануюць дызайнеры чатыры разы ў год, а стыль – гэта тое, што ты выбіраеш сам. Я лічу, што ў кожнай жанчыны павінен быць свой стыль. Як сказала Габрыэль Шанэль, мода праходзіць, стыль застаецца.
– Чорны альбо белы?
– Люблю два колеры. І не забывайце: чорны з белым добра спалучаюцца. Хараство ў тым, што і абутак, і сумку можна падабраць і чорнага, і белага колеру.
– Брыльянты ці сябры?
– Вядома, сябры. Хай лепш побач будзе адзін верны сябар, чым сотні халодных камянёў. Але, на жаль, і ад здрады ніхто не застрахаваны.
– Навізна або пастаянства?
– Пастаянства – добрая рыса характару. Як правіла, мэты дасягае той, хто пастаянна і настойліва працуе, заўсёды завяршае пачатае. Я цягнуся да стабільнага жыцця, але заўсёды імкнуся ўнесці нейкія новыя моманты ў яго цячэнне.
– Касметыка ці натуральная прыгажосць?
– Тут галоўнае не перабраць. Касметыка падкрэслівае натуральную прыгажосць, а не стварае яе.
– Шумная кампанія ці адзінота?
– Нешта сярэдняе. Не трэба перагінаць палку ні налева, ні направа.
– Хатняя кухня або рэстаран?
– Залежыць ад таго, якая гаспадыня і які рэстаран! Я аддаю перавагу хатняй кухні, але часам можна і ў рэстаран схадзіць.

Фота аўтара.


snowflake snowflake snowflake snowflake snowflake snowflake snowflake snowflake snowflake snowflakeWordpress snowstorm powered by nksnow