Віртуальная патрыятычная акцыя “Жывая памяць”
Шмат гадоў у сэрцах мільёнаў людзей незагойным болем палае памяць аб Вялікай Айчыннай вайне, якая пакінула свой чорны след і на Бярозаўскай зямлі.
Трагедыя цэлага пакалення стала цэнтральнай тэмай твораў шматлікіх літаратараў. Сказалі сваё слова аб Вялікай Айчыннай вайне і нашы паэты-землякі: Ніна Мацяш, Алена Казловіч-Усцілоўская, Маргарыта Гаравая, Зінаіда Дудзюк, Алена Папко, Мікалай Валошчык, Канстанцін Дронь, Іван Чайчыц і іншыя.
Іх шчырая лірыка – памяць аб далёкіх франтавых гадах, мужнасці і свяшчэнным подзвігу народа, падзяка і даніна павагі ветэранам за мірнае неба, заклік вывучаць гісторыю свайго краю, ведаць імёны герояў, ганарыцца незалежнасцю Радзімы.
